യാത്രപറഞ്ഞകന്നതില് പിന്നിന്നലെ,
കണ്ടു ഞാന് നിന് മുഖബിംബം!
പഴയൊരാകളികൂട്ടുകാരി തന് ചിത്രം
ഒഴുകിയെന് ഓര്മ്മയില് മന്ദം !
മനസ്സിനുള്ളില് പൊടിചെറുക്കന് പറഞ്ഞുപോയ്,
അഴകേ, നിനക്കെന്തു ചന്തം!
ഓടിട്ടപഴയൊരെന് വീടിന്റെ മുറ്റത്തൂ-
ടോടി കളിക്കുന്നു നീയും,ഞാനും..
ഓട്ടുരുളിയിലമ്മ കുറുക്കിയ പായസം
ഒളിച്ചുവന്നെടുത്തത് നിനക്ക് നല്കാന്
മച്ചിന്റെ മുകളിലന്നാരും കാണാതൊ-
രച്ഛനുമമ്മയുമായ് പുണര്ന്നു..
ഇന്നുമെന് സ്മൃതിയിലാപൊന്നോണസദ്യയും,
ചുണ്ടിന് മധുരവും മാത്രം!
സിന്ദൂരമോഹത്തിന് കുയിലുകളായ് സ്വയം
കുമ്മി പാടും തിരുവാതിരയി
ല്പാതിരാപ്പൂചൂടിജാലകവാതിലില്,
മറ്റൊരു തിങ്കളായ് നീയുദിക്കെ
മലയജസുഗന്ധിനിന് കളങ്കം ചേര്ന്നൊരു
നടരാജനായന്നു മാറീ ഞാന്!
കണ്ണൊഴുകുമിന്നും നര്ത്തനം തുടരുന്നു
ഹൃദയമാദ്രുതതാളത്തില്!
Tuesday, April 17, 2007
Subscribe to:
Post Comments (Atom)
3 comments:
....മിന്നും നര്ത്തനം തുടരുന്നു
ഹൃദയമാദ്രുതതാളത്തില്!
നല്ലൊരു കുട്ടിക്കാലക്കുറിപ്പ്!!
ഭാവുകങ്ങള്
very nice.... when the life becomes very boring.. a wandering to the nostalgic past is a escapism..
nice poem..
ithu actually oru lalitha gaanamaayi ezhuthiyathanu
Post a Comment